El vienres 12 de Julio actuamos nes fiestes de San Miguel en Villardeveyo (Veyo), Llanera. En xubiendo grandes cuestes algamamos el prau de la fiesta onde taba la carpa montada. Empezamos a montar los bártulos y a faer la prueba de soníu.
Namás acabar, baxamos a tomar un cafetín a Posada yá que empezábamos a tocar tarde y habia que tener piles pa toda la nueche. Una rápida cena nel McDonalds, pantalones de colores pa los seis, y pal escenariu dempues de una bona actuación del grupu anterior, Degañan´s. Cuntábamos cola collaboración d'Andrés a la guitarra, un gran amigu y meyor músicu.
Foi una gran nueche d'esfrute, escenariu ampliu, muncho públicu y teloneros d'otru gran grupu asturianu bien conocíu como ye “Desakato”. Amás, si nel conciertu anterior tocábamos en tierres de Gabriel, nesta ocasión facíamoslo en tierres de Fabián.
Tuvimos la ocasión de tener bail.le a lo suelto protagonizáu por alumnos del cursu d'asturianía recién llegaos de centros asturianos del mundu como Cotty Prida (Centru asturianu de Chile) o Adriana Márquez (Centru asturianu de Mar de la Plata, Arxentina). Otra gran nueche, ¡pasámoslo tamién en grande!.
No hay comentarios:
Publicar un comentario