Blimea. Templu del folclor y sitiu atopadizu.
Colos coches hasta los topes de instrumentos, cables y demás bártulos llanzámonos el día 1 de Xunu camino del chigre San Mamés en Blimea. Fue nuestru primer conciertu. Blimea ye llugar de nacimientu del nuesu batería y flautista Gabriel Catalán. Un sitiu con gran presencia de folclor asturianu, fiestes, certámes gastronómicos y xente bien folixera.
Esti dia amás, cuntamos con una gran collaboración, la de Saúl Catalán al violín hermanu de Gabriel.
Yá dende'l principiu sentíanse les ganes de folixa y de ver tocar a dos grandes músicos del llugar.
Llueu foi enllenándose'l chigre al sentir los soníos de la gaita y el tambor. Los culinos de sidra diben llenos y volvíen vacíos, las cantarás de los paisanos diben dando collor a la tarde y tambien el bail.le a lo suelto y a lo agarrao que nos acompañaron tola nueche de la mano del Grupu Folklórico de Blimea. Empezaba todo a ser introitu de la gran nueche que dibamos a pasar. ¡Qué gran xente y qué gran amor pola nuesa cultura asturiana!.
Y asina foi, nun hubo pieza pa bail.lar que dexara a los nuesos collacios sentaos. Xotas, muñeires, saltones y hasta les mismísimes tournemines fueron baill.laes. Nun podíamos aprovechar nun sitiu con tanta tradición de tonada pasar ensin echar dalguna asina que, acompañáu por Fabián a la gaita, Luis echó también dalguna qu'otra cantará coriada por numberosos paisanos del llugar. Tuvimos el placer también de tener una gran fotógrafa de Blimea también como ye Iris Catalán de les que son munches de les semeyes equí puestes.
Nun sabemos que tien Blimea. Ye esi daqué que te fai sentite como en casa, que te recuerda en definitiva la fortuna qu'unu tien de ser asturianu.
¡GRACIES BLIMEA!
