Luis nel Archivu de Tradición Oral de Ambás

Ambás

Xosé Ambás ye un folklorista bien conocíu n'Asturies polos sos trabayos de campu recoyendo materiales de la tradición oral. D'esta manera, nutre'l so archivu con cantares y romances d'otros tiempos, que se tresmitieron de xeneración en xeneración hasta los nuesos díes.


El so trabayu, ye retransmitío a través de la TPA con programes como "Camín de Cantares" o "Camín" y también a través de grupos como "Cantaruxare" y "Tuenda".

Torrestío (Babia, León)

Unu d'estos documentos, foi grabáu al nuesu teclista Luis (Quirós) y al acordionista Norino (Torrestío). La pieza se trata d'un "Bail.le Chano" recoyíu a Nemesio, el gaiteru de Torrestío.
Esti bail.le ye tradicional en zones como Babia,  L.laciana, Alto Sil, Omaña, Luna y Arbás. Asina mesmu, también podemos atopalo col nome de "Son de arriba" en delles zones d'Asturies, como "Cangas de Narcea" y como "Bail.le de les castañueles" en Somiedu, coles sos característiques peculiares na interpretación de cada zona.

El bail.le consta de dos partes, una de descansu na que el bailadores muévense escontra los llaos y otra na que realicen un bracéu bien peculiar. El remate del bail.le suel realizase xirando los brazos de los bail.ladores ente si.  Esti bail.le yera cantáu y acompañáu con panderu, pandereta o castañueles. Tamién podía tar acompañáu por acordionistes o gaiteros como ye'l casu y foi
l´casu de Nemesio y Norino Alonso de Torrestío.

Norino, Nemesio y Luis